“Loqos” jurnalının ilk nömrəsi çapdan çıxıb

“Loqos” jurnalının ilk nömrəsi çapdan çıxıbDörd il əvvəl baharın yurdumuza qədəm qoyduğu ilıq mart günlərində Bakıda psixoloji, loqopedik və maarifləndirmə sahəsində fəaliyyət göstərən “Loqos” Psixoloji və Nitq İnkişaf Mərkəzi fəaliyyətə başlayıb.

Bu ilin martında isə mərkəzin təsis etdiyi “Loqos” jurnalının ilk nömrəsi işıq üzü görüb. Məzmunlu, eyni zamanda, zövqlə tərtib olunan nəşr çox faydalı bir işlə məşğuldur. Hər gün dünyada baş verən müharibələr, terror aktları, iqtisadi böhranlar, təbii fəlakətlərdən aldığı informasiya yükü həmin xəbərləri eşidən hər kəsdə psixoloji gərginlik yaradır. Əslində, bir sıra xəstəliklər də psixoloji amillərlə əlaqədardır. Təəssüf ki, əhalinin əksər hissəsi psixoloji müdaxilənin təsirindən xəbərsizdir. Elə buna görə də bu sahədə geniş maarifləndirməyə ehtiyac var. Yeni jurnal məhz bu məqsədə xidmət edəcək.

“Loqos” elmi-publisistik psixoloji jurnalının ilk nömrəsində ölkəmizin tanınmış ziyalılarının təbrikləri, dünya şöhrətli psixoloqlar haqqında məlumatlar, mütəxəssislərin müsahibələri, psixoloq məsləhətləri və digər materiallar yer alıb.

Jurnalın təsisçisi “Loqos” Psixoloji və Nitq İnkişaf Mərkəzinin rəhbəri, Psixoloji Xidmət və Tədqiqatlar İctimai Birliyinin sədri Təranə Paşayeva, baş redaktoru Rəhilə Gülgündür.
Loqos.az logo
"Loqos" Psixoloji və Nitq İnkişaf Mərkəzi 2014-cü il, martın 2-də Bakının Nərimanov rayonunda ilk fəaliyyətinə başlamışdır. İnsanların psixoloji durumunun şəraitə uyğun müdafiəsi kimi çətin vəzifəni öz üzərinə götürən Mərkəz qısa zaman ərzində özünü təsdiqləyə, intellektual-maarifçi təmayüllü təşkilat olaraq əhali arasında tanimişdır.

Copyright by Loqos. All rights reserved.

Copyright by Loqos. All rights reserved.